APRESENTAÇÃO NO APROVAÇÃO DO ESTATUTO DA CÁRITAS NACIONAL TIMOR LESTE HOSI CET
Dili_ MDB. Conferencia Episcopal Timorense (CET), iha dia 8 de Fevereiro de 2023, aprova ona Estatuto da Cáritas Nacional Timorense iha Salão Encontro CET, Balide-Dili. Iha encontro
Apresentação no aprovação ba Estatuto Cáritas Nacional Timor leste ne’e hanesan luta naruk ida husi esforsu dirigentes CARITAS TL nian.
CET convida directores Cáritas Diocesana tolu nebe existe ona iha Timor leste mak hanesan: Caritas Diocesana de Dili, Cáraitas Diocesana de Baucau no Caritas Diocesana de Maliana. Iha momento histórico ida ne’e marca duni presença hosi Director Cáritas Diocesana de Dili no Cáritas Diocesana de Baucau. Director Cáritas Diocesana de Maliana mak la marca presença tan simu informação tarde.
Ho aprovação ba estatuto ne’e, Timor Leste hanesan nação foun no kiik ida iha Asia ho maioria Católica iha ona nia Caritas Nacional rasik mak hanaran Cáritas Nacional Timor Leste (CNT). Ho existencia Cáritas Nacional Timor Leste ne’e, bele ona serviço iha area serviço social nian iha nivel Cáritas Regional Asia no Caritas Internacionalis wainhira adere hodi sai membro ba Associação Cáritas Internacional rua ne’e. Ho ida ne’e CNT bele ona serviço hamutuk ho Cáritas mundo tomak nian hodi bele responde ba problema social humana sira nebe mundo ohin loron hasoru. Eq.CDB, DMCS-DB